"Сәхибҗамал" кызлары

Зәйфә Салихова

Бәләбәй «Ак калфак» татар хатын-кызлары оешмасы әгъзалары һәм шәхсән үземнең исемнән

Башкортстан татар хатын-кызлары “Сәхибҗамал” оешмасының 2018 елның 31 октябрендә узачак зур җыены уңае белән аның җитәкчесе Динә апа Морзакаевага, милләтпәрвәр әгъзаларына

“Сәхибҗамал” кызлары

Алар дөньяда бер генә,

Сокландырмый кемнәрне!

Алар – милләт бакчасының

Мәңге шиңмәс гөлләре.

Тормыш карурманнарында

Адашмый торганнары;

Адашмаска башкаларга

Туры юл корганнары.

Төннәрдә шигырь утында

Сызланып янганнары.

Исемнәрен ташка түгел,

Йөрәккә язганнары;

Яктылык нурлары чәчә

Күркәм эш-гамәлләре;

Җылы сүз илтә җаннарга

Ихласлык каләмнәре.

Суда батмый, утта янмый –

Шундый алар, чаялар.

Туган телне хәтәрләрдән

Гел ышыклап баралар.

Сабыр, тыйнак һәм гыйлемле –

Асылның асыллары.

Андыйлар ул самородок –

Алтынның алтыннары.

Алар белән дөнья ямьле,

Заман мәрхәмәтлерәк;

Алар булганга, чын менә,

Яшәү мәхәббәтлерәк.

Аларга тиң түгел хәтта

Зәңгәр күк йолдызлары.

Алар – без, халык яраткан

“Сәхибҗамал “ кызлары!

“Сәхибҗамал” кызлары!

28 октябрь, 2018 ел.