+17 °С
Облачно
Террорга каршы
2 Сентября , 10:00
Башкортстанда тугызынчы сыйныф укучысы яшьтәшен пычак белән яралаган
Кушнаренко гимназиясендә беренче уку көнендә дәрес вакытында сыйныфташлар арасында низаг килеп чыга. Талашу барышында укучыларның берсе яшьтәшенә берничә тапкыр пычак белән кадаган. Бу хакта БР Хөкүмәте премьер-министры урынбасары Урал Кильсенбаев хәбәр итте.
Башкортстанда тугызынчы сыйныф укучысы яшьтәшен пычак белән яралаган
Зыян күргән яшүсмер үзәк район хастаханәсенә китерелгән. Хәзер тормыш өчен куркыныч юк, табиблар барлык кирәкле медицина ярдәмен күрсәтәләр.
«Хәзерге вакытта вакыйга шартларын хокук саклау органнары тикшерә, беренчел сәбәп – шәхси каршылыклар", – дип өстәде Урал Кильсенбаев.
Мәгариф министрлыгының кризиска каршы бригадасы шулай ук оператив рәвештә урынга чыкты.
"Вакыйганың шартларын хокук саклау органнары ачыклый. Булган хәлнең беренчел версиясе – шәхси конфликт. Без хәлне аерым контрольдә тотабыз. КДНның планнан тыш утырышы билгеләнде", - дип шәрехләде республика мәгариф министры Илдар Мәүлетбирдин.
Светлана Шириня
