Террорчылык корбаннарын искә алдылар

17 нче урта мәктәп волонтерлары тәрбия буенча директор киңәшчесе белән бергә «Хәтер яклый»акциясенә кушылды. Башлангыч сыйныф укучылары өчен алар тынычлык һәм террор аркасында гомерләре өзелгәннәр турында якты хәтер символы булган Хәтер торнасы ясаганнар. Шундый ук җылы һәм күңелне нечкәртүчены  форматны 15 нче мәктәптә дә сайлаганнар.

8 нче мәктәп укучылары бу теманы тирәнрәк яктырткан – алар Үзәк  китапханәдә тематик чарада булганнар. Укучылар төрле еллардагы терактлар турында документаль видео караган. Кадрлар гади түгел, ләкин нәкъ менә бу намуслылык балаларга террорчылыкның реаль бәясен күрергә ярдәм иткән. Укучылар күргәннәре аларда көчле тәэсир калдырганын һәм хәтердә калачагын әйтәләр..

Башкорт гимназия-интернатында истәлекле датага  мәгълүмати проект әзерләгәннәр. Тәрбия буенча директор киңәшчесе укучылар үзидарәсе активы белән берлектә тематик стенд эшләгән. Анда фаҗигале вакыйгалар хронологиясе чагылдырылган, гадәттән тыш хәлләрдә үз-үзеңне тоту кагыйдәләре һәм хәтер символлары урнаштырылган.

Чуваш гимназиясе укучылары теманы аңлауга иҗади якын килгәннәр: рәсем сәнгате дәресләрендә алар «Терроризмсыз дөнья» һәм «Терроризмга юк!» шигарьләре астында плакатлар ясаганнар. Һәр рәсемдә тыныч күк астында имин дөньяда яшәү теләге чагыла.

Булачак белгечләр дә читтә калмады: Бәләбәй гуманитар-техник көллиятенең педагогика бүлегендә класс сәгатьләрендә студентлар документаль кадрлар карадылар, шәмнәр кабыздылар һәм террорчылык корбаннарын бер минут тынлык белән искә алдылар.

Чараларның форматларының төрлелеге төрле яшь төркемнәрен колачларга һәм бу датаның төп идеясен җиткерергә мөмкинлек бирде: фаҗигаләр турында хәтерне сакларга һәм куркынычсызлык мәсьәләләренә җаваплы карарга кирәк.

Регина Иванова әзерләде. Фотолар мәктәпләр архивыннан