Знаменкада Үзебезнекеләр өчен гуманитар ярдәм җыялар, масчелтәрләр үрәләр

Знаменка челтәр үрүчеләре ирекмәннәр аша инде 70тән артык маскировка челтәре әзерләп озатканнар. Исегезгә төшерәбез, алар нигездә Уфадан ирекмәннәрнең заказларын үтиләр. Моннан тыш, знаменкалылар акчасына Бәләбәйдән гумконвой белән озатырга өстәмә материаллар сатып алына һәм челтәрләр үрелә.

Мәдәният йортының әйдүче метолисты Гөлнара Ануфриева әйтүенчә,  авыл биләмәсенең изге күңелле хатын-кызларының хәстәрлекле куллары белән 10 маскировка челтәре үрелеп, гуманитар ярдәм белән бергә – Донецкига һәм тагын 12се Запорожье өлкәсенә озатылган. Знаменка волонтерлары хакимияткә һәм “ТК УралРесурс» җәмгыяте хезмәкәрләренә челтәрләр үрергә материаллар сатып алуда күрсәткән ярдәмнәре өчен рәхмәтлеләр.

Күптән түгел Знаменка мәктәбенең өлкән класс укучылапры өчен маскировка челтәре үрү буенча осталык классы уздырылган. Тәҗрибәле осталар балаларга челтәр үреп күрсәткәннәр, аннары балалар үзләре дә бик теләп аны үрүгә кушылганнар. Хәзер буш вакытларында аларның барыр җире бар. Үссен әйдә ирекмәннәр алмашы!

 Любовь Иванова әзерләде. Фото Краснознаменка мәдәният йортыннан.