"Барысы да җиңү өчен”

Биредәге ирекмәннәр осталык серләре белән уртаклаштылар, бу эштә очраган  авырлыклар һәм шатлыклар турында сөйләделәр. Алар челтәрләр җитештерү буенча мини-цехның ничек барлыкка килүен җылылык белән искә алдылар. Аларның сүзләре үз өлешләре өчен горурлык һәм чын күңелдән ярдәм итү теләге белән сугарылган иде.

Кичә истәлекләр белән генә чикләнмәде. Барлык өйрәнергә теләгәннәр  өчен исән калу беләзекләре ясау буенча кызыклы осталык классы узды. Алар «паракорд» дигән  үтә нык баудан ясала. Кирәк чакта  беләзек җиңел сүтелә һәм биш метр чамасы озынлыктагы шнурга әйләнә.

"Без барыбыз да махсус хәрби операциянең тизрәк һәм тыныч тәмамлануын түземсезлек белән көтәбез. Һәр үрелгән челтәр һәм һәр беләзек якынлашып килүче Җиңүнең бер өлеше булсын”, – диделәр авыл волонтерлары. Мондый очрашулар безгә бергә көч булуыбызны, хәтта ярату һәм кайгырту белән башкарылган иң кечкенә эшләр дә гаять зур файда китерә алачагыбызны искә төшерә.

Сания Архипова, Ермолкино авыл  китапханәсе китапханәчесе