Бурычлар билгеләнде

Торатау»конгресс-холлында узган Бөтенрусия җыенында катнашты. Чарага илнең барлык төбәкләреннән 200 вәкил җыелды, ул оешманы үстерү һәм сугышчыларга, аларның гаиләләренә ярдәм итү системасын камилләштерү мәсьәләләре буенча фикер алышу мәйданчыгына әверелде.

Бөтенрусия җыенының төп темалары

 – Махсус операциядә катнашучыларга ярдәм чаралары, архивлар, мемориаль комплекслар, сәнгать әсәрләре булдыру каралды. Һәлак булган катнашучылар һәм СВО ветераннары истәлеген мәңгеләштерү мәсьәләсенә басым ясалды.

СВО ветераннары ассоциациясенең бу мәсьәләдә дәүләтнең төп партнеры роленә аерым игътибар бирелде. Башкортстан башлыгы Радий Хәбиров фронттан кайткан кешеләр белән эшләү – оешманың төп бурычы, дип билгеләп үтте.

Беренче адымнар һәм планнар

Бәләбәй районында әле СВО ветераннары ассоциациясе бүлеген оештыру  бара. Район хакимияте  хәзер ремонт эшләре алып барылучы бина бирде.

 – Хәзерге вакытта оешмада 18 кеше тора. Бергәлек әгъзалары арасында СВОның гамәлдәге катнашучылары да, демобилизацияләнгәннәр дә бар. Безнең сафларга беренчеләрдән булып керүчеләр арасында – -Д.Р. Шәрәфуллин, А. А. Гобәйдуллин, М. И. Корухов, А. В. Никулин, – дип сөйләде Александр Нестеренко.

Агымдагы елның икенче кварталында Ассоциация иҗтимагый-патриотик юнәлештәге барлык мөмкин булган эшләрне колачларга планлаштыра.

 –  Хәл ителәсе бурычлар спектры киң: СВОда катнашучыларның гаилә әгъзаларына ярдәм итү, махсус операция ветераннарының хокукларын һәм мәнфәгатьләрен яклау һәм башка оештыру мәсьәләләре. Әлегә Ассоциация эшчәнлеге яшьләр өчен «Батырлык дәресләре» уздыруга юнәлтелгән.

Коммерцияле булмаган, ләкин абруйлы

Оешманың статусы турындагы сорауга Александр Нестеренко төгәл җавап бирә:

– СВО ветераннар ассоциациясе-хакимият органнары карары белән гамәлгә куелмаган коммерциячел булмаган оешма. Әмма бу аңа төрле дәрәҗәләрдә зур ярдәм белән файдаланырга комачауламый. Ассоциация эшчәнлеген Федераль Җыелышның  Федерация Советы, башка федераль һәм региональ хакимият органнары хуплый, – дип аңлата ул.

Ничек СВО ветераннары ассоциациясе әгъзасы булырга?

Ассоциация ишекләре СВОның  демобилизацияләнгән барлык катнашучылары өчен ачык. Оешма аларны ”канат астына” ала, һәрьяклап ярдәм күрсәтә. Дәүләт һәм муниципаль структуралар белән берлектә ул ветераннарны фронт тормышыннан соң нормаль тыныч мохиткә салмак кына чумдыру өчен шартлар тудыра.

Александр Андреевич ассызыклаганча, “Тиздән меңнәрчә сугышчы кайтачак. Безнең Ассоциация алар тыныч тормышка нормаль кереп китсеннәр, үзләрен анда тапсыннар өчен эшли».

 Алсу Фәизова әңгәмәләште.

 А.А. Нестеренко фотолары.