Бәләбәй халкы үзебезнекеләрне ташламый

 Запорожье юнәлешендә хезмәт итүче якташ сугышчыларыбыздан махсус элемтә җиһазлары – UFL-антеннасы булган кабул иткечләр сатып алуда ярдәм итү үтенече килде.

Беренче иганәләр "Чик буе сакчылары" җәмгыятеннән (җитәкчесе А.Г. Кудрявцев), М.В. Шубенковтан, «Олимп» җәмгыятеннән (җитәкчесе П.П. Кривов) килде.

– Җыю дәвам итә. Кушылучыларга һәм иганә кертүчеләргә рәхмәтле булырбыз, – дип билгеләп үттеләр район ветераннар советы волонтерлары.

Приют бистәсе ярдәм үзәге ирекмәннәре халыкка шифалы башкорт үләннәрен – мәтрүшкә, бөтнек, меңъяфрак һ.б. әзерләү үтенече белән мөрәҗәгать иттеләр.

– Үлән чәе сугышчылар арасында бик популяр. Бу гади эчемлек түгел – ул файдалы микроэлементлар чыганагы, ә исе һәм тәме туган якны, киң кырларны искә төшерә.

Үләннәрне җыегыз, киптерегез, ә без аларны пакетларга тутырачакбыз. Сезнең өлеш – ул кайгырту, ул яклаучыларның рухын һәм сәламәтлеген ныгыта, – диелә мөрәҗәгатьтә.

Әйткәндәй, республика конвое белән җибәрелгән ярдәм адресатларга барып җиткән, фронттан хатлар да килеп тора…

Үзләребезгә ярдәм итик!

Мила Любченко әзерләде. Ветераннар советы фотолары.