Алексей Беловның хәрби тәҗрибәсе офицер-танкистлар әзерләүгә хезмәт итәчәк

Андрей Юрьевич үз хәрби бүлекчәсендәге Бәләбәй якташларының сугышчан уңышлары турында даими хәбәр итә.

Бу юлы ул хәбәр иткәнчә, аның туган абыйсы – полковник Алексей Юрьевич Белов РФ оборона министры боерыгы белән Көньяк хәрби округының 3 нче гвардия гомуми гаскәр армиясенең 6 нчы гвардия аерым мотоукчылар бригадасының бригада командиры урынбасары (хәрби хәрәкәтләрне оештыру буенча) вазифасыннан азат ителгән һәм шәхси рапорты нигезендә Чиләбе югары танк команда училищесының тактика кафедрасына өлкән укытучы итеп билгеләнгән.

Укучыларыбызга шуны искәртик: Алексей Белов Авдеевка, Марьинка, Северскны азат итүдә бик актив катнашты. Ул күрсәткән  батырлыгы өчен «Батырлык» ордены һәм башка күп кенә дәүләт һәм хәрби бүләкләр белән бүләкләнде. Озакламый бай тәҗрибәле  офицер офицер кадрларын әзерләүгә керешәчәк. Аңа  шундый ук катлаулы эштә дә уңышлар телик!

Сүз уңаеннан, подполковник Андрей Белов Русия Федерациясе Президенты Указы белән шушы көннәрдә кылычлы «Ватан алдындагы казанышлары өчен» ордены медале белән бүләкләнде. Шулай ук аңа кылычлы III дәрәҗәдәге «Донецк Халык Республикасы алдындагы казанышлары өчен» ордены медале тапшырылды. Кече лейтенант Никита Белов күптән түгел Суворов медале белән бүләкләнде.

Башкорт язучысы Мөнир Кунафинның «Я вышел из боя живым...» дигән китабы шул вакытта диярлек дөнья күрде, аның бер бүлеге якташыбыз Андрей Юрьевич Беловка багышлана. Анда аның Запорожье юнәлешендә комбат булып башлаган чоры тасвирлана.

Сугышчы Беловлар  МХО барышында үзләрен батыр сугыш командирлары итеп күрсәттеләр һәм безнең Бәләбәйне данладылар.

Любовь Иванова. Фотолар редакция архивыннан һәм  А. Беловтан