Гармония – хәрәкәттә

Бу чарада Бәләбәй цигунистлары Татьяна Михеева, Инна Шалупкина, Наталья Кузнецова, Зинаида Маркова һәм Лиана Әюпова чыгыш ясаган Башкортстан җыелма командасы аерым урын алды. Команданы Цигун Бөтенрусия Федерациясенең төбәк бүлеген җитәкләүче Наил Әюпов җитәкләде.

Фестивальнең уникаль программасына Кытай, Сербия, Бөекбритания һәм Шри-Ланка экспертлары катнашында өч көнлек халыкара онлайн-оорий кертелгән иде. Сәламәтләндерү практикасы өлкәсендә өр-яңа эшләнмәләрне тәкъдим иткән Кытай осталарының чыгышлары аеруча кызыксыну уятты.

Профессор Лэй Бин, Ухань спорт университетының Ушу институты магистратурасы фәнни җитәкчесе Кытай сәламәтләндерү мәдәниятенең чын хәзинәсе –  «24 сезон» комплексын публикагатәкъдим иткән. Судьялар коллегиясендә танылган экспертлар, шул исәптән профессорлар Юй Линлин һәм Лай Цзяньхуэй блганнар.

«Дао Инь Ян Шен Гун Ши Эр ФА» (“Туклану сәнгате”) номинациясендә бәләбәйлеләр 8,89 балл җыеп, бик яхшы техника күрсәткәннәр. Бу нәтиҗә командага лаеклы беренче урынны алып килгән. Моннан тыш, Татьяна Михеева  шәхси зачетта икенче урынны яулаган..

«Без ярышларга әзерлекне ел башында башладык, - дип сөйли Наил Әюпов. – Атнага өч тапкыр күнегүләр ясадык, ә соңгы айда – көн саен. Фестиваль атмосферасы гаҗәеп иде. Безне югары дәрәҗәдәге осталар хөкем итүе аеруча кыйммәтле. Бу җиңүне аеруча әһәмиятле итә".

Гаилә номинациясе спорт фестивалендә катнашучылар өчен күңелле сюрприз булган Наил Әюпов хатыны Лиана белән бергә таяклы «Тайцзи Шэньчжэн» катлаулы комплексын тәкъдим иткән. Аларның чыгышы шаккатыргыч 9,49 балл белән бәяләнгән – фестивальнең иң югары нәтиҗәләреннән берсе.

Фестивальнең мәдәни программасына спорт ярышларыннан гына тормаган. Катнашучылар төньяк башкаланың гүзәллегеннән: яр буйларында йөрүдән, каналлар буйлап экскурсияләрдән һәм мәдәни чаралардан ләззәт алганнар.

"Питер безне искиткеч һава торышы белән каршы алды, – дип уртаклаша Наил Әюпов. - Без ярышларда катнашып кына калмадык, гүзәл шәһәрнең рухын да сеңдерә алдык. Бу онытылмаслык!»

Бәләбәй спортчылары өйләренә бүләкләр генә түгел, кыйммәтле тәҗрибә, шулай ук әйдәп баручы дөньякүләм экспертлардан яңа белемнәр алып кайттылар. Алда команданың максатлары зурдан, ә Бәләбәй халкы республиканы Бөтенрусия аренасында лаеклы тәкъдим иткән якташлары белән хаклы рәвештә горурлана ала, алар «Тормыш туклануы» сәнгатенең гармониягә һәм уңышка юл булуын исбатлады.

Регина Иванова. Фотолар Н. Әюпов архивыннан