Ижевскида Русия халыклары телләре көненә багышланган дуслык бәйрәме узды

Чараның максаты – Русия халыклары телләрен саклау һәм аларга ярдәм итү. Бәйрәм туган телгә, милли киемгә, милләтләрнең гореф-гадәтләренә багышланды, диелә хәбәрдә.

Бәйрәмдә өч милләт вәкилләре очрашкан: «Бәхет» татар ансамбле, «Задор-мылкыд» удмурт ансамбле һәм «Вересень» рус ансамбле һәрберсе үз милләтенең гореф-гадәтләре белән таныштырган. Дуслык бәйрәме зур түгәрәк уенга басып җыр-бию белән тәмамланган.

Татар-информ

Фото: Удмуртиянең «Яңарыш» газетасы