Хезмәт һәм талант өчен бүләкләр

Бәләбәй үзәк мәдәният сарае коллективлары иҗат бәйрәмендә шәп чыгышлар күрсәттеләр. Полина Батыргәрәева җитәкчелегендәге «Идел» өлгеле бию ансамбле, югары осталык күрсәтеп, «Эстрада биюе» номинациясендә беренче урынны яулады. Регина Муллаянова җитәкчелегендәге «Акбүзат» халык бию ансамбле «Халыклар туганлыгының милли-мәдәни үзенчәлеген һәм традицияләрен саклаган һәм үстергән өчен»махсус диплом алды.

«Ата-бабалар җире» фестивале инде 26нчы тапкыр Ык төбәге халыкларын берләштерде, мәдәни төрлелекне саклап калуга һәм популярлаштыруга ярдәм итте. Быел бу чара Русия халыклары бердәмлеге елы һәм Башкортостан Республикасында зур һәм тату гаилә елы кысаларында үткәрелде.

Бәләбәйлеләрнең уңышы аларның төбәкара дәрәҗәдә һөнәрилеге  һәм конкурентлыкка сәләтлелеге үрнәге булды. Алынган бүләкләр ансамбльләр җитәкчеләренең һәм  катнашучыларның талантын һәм тырыш хезмәтен лаеклы тану булды.

“Идел " коллективы җитәкчесе Полина Батыргәрәева үз тәэсирләре белән уртаклашты:

- Мондый чараларда катнашу күңелле һәм файдалы. Ярмәкәй районында ”Ата-бабалар җире" һәрвакыт  оешкан төстә, зурлап уза. Без анда көне буе булдык һәм арымадык, киресенчә, ял иттек. Һөнәрчеләр ярминкәсендә, интерактив мәйданчыкларда һәм мастер-классларда булдык. Без инде өч тапкыр иҗади номерларыбызны тамашачылар һәм жюри хөкеменә тәкъдим иттек, һәрвакыт призлы урыннар яуладык. Быел ансамбльнең өлкән төркеменең стильләштерелгән һинд биюен күрсәттек. Әмма бу юлы беренче урын безнең өчен көтелмәгән булды, чөнки безнең күп кенә биючеләребез инде чыгарылды, ә номерда яңа кешеләр чыгыш ясады. Әмма кызлар барысы да молодецлар, алар бик яхшы башкардылар!

Үзәк мәдәният йортының хореография коллективлары яңа иҗат сезонын уңышлы башлап җибәрде. Алда аларны репетицияләр, яңа куелышлар һәм уңышлы чыгышлар көтә.

Светлана Прокофьева

Фотолар Үзәк мәдәният йортыннан.