Фикердәшләрнең бердәм командасы

Ярышта тугыз меңнән артык кеше – Уфа халкы да, шәһәр кунаклары да катнашты. Марафонда катнашучылар арасында Бәләбәйдән «Смайлик ВОСик» инклюзив атлетика клубы командасы да бар иде.

Аның составына Лидия Суркова, Зөлфия Сафиуллина, Раиса Никитина, Владимир Поляков, Илдар Нагуманов, Финат  Миңнебаев, Ольга Ульянова, Айгөл Миңнегалимова һәм Эдуард Михайлов керделәр.

Алар начар күрүче һәм күрмәүче катнашучылар өчен спорт чарасы программасында беренче тапкыр барлыкка килгән ике чакрым арада махсус инклюзив кластерда чыгыш ясады. Бу идея социаль яклау проекты ярдәмендә тормышка ашырылды, ә ул  "ФКиСны үстерү һәм популярлаштыру үзәге" АНО командасы тарафыннан БР спорт министрлыгы, "Сәнгать, фән һәм спорт" хәйрия фондының "Махсус караш" программасы  һәм проект операторы – РФ ВЭБ  дәүләт үсеш корпорациясе  канаты астында.

Спортчылар дистанцияне үткәндә махсус әзерләнгән озата баручылар ярдәмендә ориентлаштылар яки дусты белән парлашып йөгерделәр. Алар өчен бу старт җитдирәк дәрәҗәгә адым ясарга, үз алдына яңа максат куярга, фикердәшләр белән очрашырга һәм зур спорт вакыйгасы халәтен тоярга мөмкинлек бирде.

Быел марафон «Минем йөгерү традициясе»дип аталды. "Динамо" стадионында –  старт һәм финиш оештырылды , ә трасса Уфаның тарихи үзәге аша үтте. Катнашучылар 42,2 километрга классик марафоннан алып 10, 5 һәм 2 километрга йөгерүгә кадәр араны үз теләкләре буенча сайлый алдылар. Шулай ук 4×10,5 км эстафетасы, хендбайкларда узышу һәм 10 км га роллер-марафон булды.

Финишта һәр катнашучы медаль алды. Бәләбәйлеләр әйтүенчә, бу хис-кичерешләр, ярдәм һәм чын спорт рухы белән тулыонытылмаслык  көн булган!

"Инклюзив Атлетика" проектының Башкортстан Республикасындагы төбәк менеджеры Милена Сәитова "Смайлик ВОСик "\командасына катнашуы һәм бердәмлеге өчен рәхмәт белдерде: "Сез – әфариннар  һәм иң оешкан командаларның берсе. Сезнең белән эшләү һәрвакыт бик тыныч һәм уңайлы – барысы да төгәл, җаваплы һәм артык ыгы-зыгысыз. Безнең белән булуыгыз өчен рәхмәт!",- дип билгеләде Милена Бәләбәйнең сукырлар җәмгыятен социаль челтәрләрендә.

 Светлана Прокофьева Бәләбәй муниципаль берәмлеге фотолары