Бәләбәй – осталар шәһәре

Матур әйбер артында гадәттә эш сәгатьләре, материаллар эзләү, хаталар, үзгәртүләр һәм икеләнүләр тора. Искиткеч оста булырга һәм үзеңне күрсәтә белмәскә мөмкин. Эшләнмәләр ясарга, ләкин бәясен әйтергә оялырга. Еллар буе өйдә эшләргә һәм әзер әйберләрне шкафка салырга. «Һөнәр маркеты»шуның белән эшли дә инде.

Төп идеяләрнең берсе – осталарга һәркем үзенчә эшләүдән туктарга ярдәм итү. Төрле талантлы кешеләр бергә җыелганда, башка энергия барлыкка килә. Әмма проблема еш кына бер генә: остага бер үк вакытта иҗатчы да, фотограф та, сатучы да, маркетолог та булу кыен. Шуңа күрә бергәлектә эшләнмә генә түгел, ә шулай ук алга җибәрү, сату, финанслар, ярминкәләргә әзерлек турында да фикер алышалар. Кайчакта иң зур үзгәреш: «Мин уйлаганнан да күбрәк булдыра алам икән», - дигән уйдан башлана.

Эшләрне  Бәләбәй шәһәре, Кызыл ур., 136 адресы буенча урнашкан Осталар кибетендә («Флешка»кибете) күрергә була. Экрандагы фото – бер нәрсә, ә әйберне кулга алу, фактураны карау, автор белән сөйләшү – бөтенләй икенче.. Шулай итеп, кул эше ерак һәм виртуаль булудан туктый, ә оста янәшә була.

"Һөнәр  маркеты" ярминкәләрдә катнаша һәм Бәләбәйдән читкә чыга: осталар Йәрмәкәйдә «Ата-бабалар җире» фестивалендә, Приют бистәсе бәйрәмендә, Бишбүләкта алма һәм бал фестивалендә булдылар. Катнашучылар шәһәрнең үзендә «Бал туе» фестивален бизәде һәм "Борынгы кала"  үзәге турында Бөтенрусия медиаконтент конкурсы өчен ролик төшерде.

Ләкин һөнәр – сату турында гына түгел. Осталар гипстан сыннар ясау, ротангтан үрү, декор һәм сабын ясау буенча мастер-класслар үткәрәләр. Расписание һәр айның беренче числосында бастырыла. Кемгәдер бу күңелле кичә, кемгәдер - үз һөнәренең юл башы.

Бүген бергәлектә меңнән артык катнашучы һәм 21 оста бар. Саннар артында реаль  кешеләр тора: фикердәшләрен тапкан, беренче тапкыр ярминкәгә чыккан, киңәш сорап килгән һәм яңа идея белән киткән кешеләр. Акрынлап «мин монда  нәрсәдер эшлим» дип түгел, ә ышаныч белән: "Мин оста. Мин менә нәрсә булдырам" – дип әйтергә өйрәнүчеләр..

Бу шәһәргә нигә кирәк? Үсеш турында сөйләгәндә, предприятиеләрне, сәүдәне, юлларны искә төшерәләр. Әмма шәһәр – ул кешеләр дә әле. Ярминкәләр мәйданчыкларны җанландыра, мастер-класслар кешеләрне очрашуларга алып килә, сәфәрләр башка территорияләрдә яшәүчеләрне Бәләбәй осталары белән таныштыра. Ә һөнәр үзең яшәгән урын белән элемтәне тоярга ярдәм итә.

Проектның идеясе гади: остага ялгызы гына кыен, бергә – мөмкинлекләр күбрәк. Мастер таныла башлагач, ул гына отмый. Шәһәр  ота: иҗат, вакыйгалар һәм уртаклашырга әзер кешеләр күбрәк барлыкка килә. Димәк, әйтер өчен тагын бер сәбәп бар: Бәләбәй – осталар яши һәм эшли, гореф-гадәтләр саклана торган шәһәр.

 Автор: "Һөнәрчелек маркеты | Осталар бергә" берләшмәсе