“Уйна, гармун!” фестивалендә “Илһам” таң калдырды

Безнең Бәләбәй шәһәреннән анда татар гимназиясенең “Илһам” гармунчылар ансамбле (җитәкчесе Гүзәл һәм Тимерхан Әхмәтовлар) катнашып, тамашачыларны да, жюри әгъзаларын да таң калдырдылар. Илһамчылар 5 номер белән барып, төрле номинацияләрдә   ике – беренче, ике – икенче, бер өченче урыннарны яуладылар.

 – Оештыручыларның безне кайтарасылары килмәде, бай программаның бөтен чараларында да катнашуыбызны  үтенделәр, – ди Гүзәл ханым.

Остара, шомара гармунчы малайларыбыз. Киләчәктә һөнәри гармунчылар булып, зур сәхнәләрне яуларга язсын.

Бәйрәм Башкортстан Республикасы татарларының милли-мәдәни автономиясе ярдәмендә, Татарстан Башлыгы грантына оештырылган.

Зәйфә Салихова.