Бердәмлек тантанасы: Бәләбәйдә Башкортостан Республикасы көнен билгеләп үттеләр

Чараның рәсми өлешен Бәләбәй районы хакимияте башлыгы Азат Сәхәбиев ачты. Аның сәламләү сүзе бөтен кичкә җылы, тантаналы тон бирде. Аннан соң мактаулы кунаклар: Башкортстан Республикасы торак-коммуналь хуҗалык министрының беренче урынбасары Юрий Палтусов, БР Дәүләт Җыелышы – Корылтае депутаты Тимур Гыйльмияров, шулай ук штаб начальнигы – 51 нче гомумхәрби армиянең 114 нче аерым гвардия мотоукчылар бригадасының 88 нче аерым укчылар полкы командирының беренче урынбасары Андрей Белов котладылар.

Аларның мөрәҗәгатьләрендә бердәмлекнең әһәмияте, һәр кешенең республика үсешенә керткән өлеше һәм хәзерге заман таләпләре фонында традицияләрне саклауның мөһимлеге турында сүзләр яңгырады.

Бүләкләү тантанасы кичәнең аерым бер өлеше булды. Бүләкләнүчеләр арасында – район предприятиеләре һәм оешмаларының иң яхшы хезмәткәрләре, волонтерлар, МХОда катнашучыларның гаиләләре: һәркемгә җылы сүзләр һәм казанышларын тану яңгырады.

Кичә тамашачылар хәтерендә озакка калачак матур концерт белән тәмамланды. Бәләбәй районының иң яхшы иҗат коллективлары кунакларга чын талантлар гөлләмәсен бүләк иттеләр: биредә халык көйләре һәм заманча ритмнар, лирик номерлар һәм дәртле куелышлар үрелеп барды.

Елена Петрова фотолары