Башкалабызда “Атайсал” аллеясы барлыкка килде

Башкортстан башкаласында “Атайсал” аллеясы барлыкка килде. “Яшел Башкортстан” акциясе барышында Комсомол урамында яңа җәмәгать киңлегенә нигез салынды, дип хәбәр иттеләр Октябрь районы хакимиятенең матбугат хезмәтеннән. Экоакциядә катнашучылар алты юкә утыртты, аларның һәрберсенең биеклеге – алты метрдан артыграк.

Агач утыртуда Дәүләт Җыелышы – Корылтай депутатлары Салават Хөсәенов, Эдуард Сәетбатталов, Октябрь районы хакимияте башлыгы Сергей Плотников, Башкортстан башлыгы карамагындагы Кеше хокуклары һәм гражданнар җәмгыяте институтларын үстерү буенча совет әгъзасы Виктор Гурьев, “Ачык спорт” төбәк партия проекты координаторы Фәрит Гиндуллин катнаштылар.

Башкортстан башлыгы игълан иткән Туган җир өчен файдалы эшләр елында яңа аллеяга изге гамәлләр проекты белән аваздаш символик исем сайладылар. “Башинформ язганча, “Атайсал” проекты 2022 елда Радий Хәбировның тәкъдиме белән башланып киткән иңде.

Фото: Уфаның Октябрь районы хакимиятенең матбугат хезмәте.

Автор:Зәйфә Салихова әзерләде

Читайте нас:

Электрон почта

[email protected]

Адресы

452000, Республика Башкортостан, г. Белебей, ул. Мало Луговая, 53А

Редакция

(34786) 3-17-02

Хезмәттәшлек

(34786) 3-08-47

Кадрлар бүлеге

(34786) 4-14-73