Татар зыялылары

Без - татарлар, телебез - татар теле, мөстәкыйль һәм төзек кагыйдәле камил тел ул.

Кеше үзен-үзе таныса, камил акылы шуннан беленер.

Әгәр берәүгә гыйлем өйрәтергә теләсәң, әүвәл үзеңне-үзең өйрәт.

Олылык акыл белән, әмма нәсел-нәсәп белән түгел.

Һәр нәрсәнең чиге бар, мәгәр акылның чиге юк.

Без белгәне − диңгездән бер тамчы. Бер тамчының меңдер хезмәте.

Һәр ни кылсаң - үзең күрерсең, һәр ни кылсаң – үзеңә кайтыр, ни чәчсәң – аны урырсың.

Лаек булмаган сүзне сөйләгән кеше – ишетәсе килмәгән сүзләрен ишетер.

Ачканнан соң янә ябарга һәм бикләргә читен булган ишекне ачма, кайтарып алырга читен булган укны атма.

Адәмнәрнең бигрәк тә икейөзлесе шул кешедер: үзе кылмаган изге эшләрне башкаларга боерыр һәм үзе тыелмаган гөнаһлардан башкаларны тыяр.

Бер кешегә изгелек кылсаң – яшер, ә берәүдән изгелек күрсәң – фаш ит.

Каләм - сүзнең илчеседер.

Язу – кулның теледер.

Дәвамы бар