Көзге каникуллар гадәттәгедән озынрак була

Башкортстанның мәгариф министры якынлашып килгән көзге мәктәп каникуллары турында искә төшерде.

"Уку календарына ярашлы, мәктәп укучылары өчен көзге каникуллар – 2025 елның 25 октябреннән 2 ноябренә кадәр. Быел каникулдан соң безне дәүләт байрамы — 4 ноябрдә билгеләнгән Халыклар бердәмлеге көне көтә. Шулай итеп, укучылар тугыз көн (25 октябрьдән 4 ноябрьгәчә) ял итә. Чәршәмбе, 5 ноябрьдә, балалар яңа көч-дәрт белән парта артына утыра", – дип язды Илдар Мәүлетбирдин социаль челтәрдәге сәхифәсендә.

Министр шулай ук ата-аналарга каникул чорында балаларның иминлеге турында кайгыртуны үтенеп  мөрәҗәгать итә. Ә укучыларга бу көннәрне файдалы итеп үткәрүләрен тели. Әйтик, күбрәк саф һавада йөрергә, кызыклы китаплар укырга, гаилә белән вакыт үткәрергә һәм мәдәни чараларга йөрергә.

Башинформ.