Спорт, иҗат һәм бердәмлек

 Уеннар башлангыч сыйныф укучыларының “Россия бөркете” социаль активлыгы программасы кысаларында узды. Һәр бирем катнашучылардан нәтиҗәлелек, креативлык һәм, әлбәттә, командада эшли белүне таләп итте. Гаиләләр үз визит карточкаларын тәкъдим иттеләр, викторинада –  эрудицияләрен, эстафетада җитезлек һәм тизлек күрсәттеләр, шулай ук шәҗәрәләре белән таныштырып,  гаилә тарихлары белән уртаклаштылар. Төрле-төрле этаплар һәр гаилә әгъзасының талантын ачарга мөмкинлек бирде.

 Барлык командалар да яхшы әзерләнгәннәрен күрсәттеләр, әмма бу юлы бәхет 8 нче мәктәптән Әсадулиннар гаиләсенә елмайды. Марат, Айгөл һәм Тимур, жюри һәм тамашачыларның йөрәген яулап, бәхәссез лидер булдылар.

 "Беренчеләр  гаиләләре" конкурсы турында безгә сыйныф җитәкчебез Олеся Айрат кызы Абдуллина сөйләде, - дип уртаклашты Айгөл Айрат кызы. – Без шунда ук катнашырга булдык, чөнки бу вакытны бергә үткәрү һәм 8 нче мәктәп  намусын  яклау  өчен менә дигән мөмкинлек. Мондый искиткеч конкурста җиңү – икеләтә шатлык!" Тимурга, актив һәм энергияле малай буларак, бигрәк тә спорт конкурслары ошаган. Мондый уңышны көтмәвен әйтте. Хәзер Әсадулиннар гаиләсен яңа чакыру көтә – ноябрьдә Уфада узачак республика этабы.

Конкурсны оештыручылар гаиләләрне берләштерүдә мондый чараларның мөһимлеген ассызыклыйлар: "Барлык катнашучылар да бүләкләр генә түгел, яхшы кәеф та алдылар, Бәләбәй районында – иң тату гаиләләр икәнен тагын бер кат расладылар!»

 Регина Иванова.

Фотолар Әсадулиннар гаиләсе архивыннан