Өч ай буена баланы кая илтәргә? Аларны июньдә дә укытмакчылар

Июньне уку аена кертергә кирәк, дип белдерде Мәскәүдә Бала хокуклары буенча вәкаләтле вәкил Ога Ярославская "Говорит Москва"радиостанциясе эфирында.

"Безнең каникуллар дөньяда иң озыны –  өч ай безнең балалар җәй көне ял итә. Бу яхшы, әлбәттә, әмма ата-аналарның өч айлык ялы юк. Баланы өч ай буена кая куярга – иң мөһим мәсьәлә. Мин нәрсә тәкъдим итәр идем: июньне уку ае итәргә", – диде ул.

Ярославская бәяләвенчә, уку процессы апрельдә үк тәмамлана, чөнки май бәйрәмнәре һәм йомгаклау аттестацияләре артыннан укучылар яңа темаларны үзләштермиләр, ә аннары бөтенләй җәй буена каникулларга китәләр.