Югары бәяләү культурасы өчен билгеләнгәннәр

Ведомствода аңлатуларынча, бу билге ике төп юнәлеш буенча бирелә: укудагы казанышлар һәм белемнәрне бәяләүдә намуслылыкның югары стандартлары өчен. Бүгенге көнгә беренче критерий буенча Русиянең 330 мәктәбе билгеләнгән, ә икенчесе буенча – 970. Алар арасында1 нче гимназия дә бар, ул “Югары бәяләү культурасы” номинациясендә билге белән бүләкләнгән.

“Югары бәяләү культурасы"  –  укучыларның белемнәрен бәяләүдә объектив һәм гадел булу символы ул. Бу билге үз эшендә югары һөнәрилек  һәм намуслылык күрсәтүче мәгариф оешмаларына бирелә.

 – Белем бирү сыйфаты федераль рейтингы номинацияләренең берсендә булу безнең өчен зур дәрәҗә. Сыйфат билгесе – ул, беренче чиратта, педагогларыбызның һөнәри осталыклары, үз эшләрен һәм балаларны яратулары өчен күрсәткән хезмәте, - дип фикерен җиткерде 1 нче гимназия директоры Зәримә Ханнанова.

Алсу Фәизова әзерләде.

Фото 1 нче гимназиядән .