Язгы каникул көннәре билгеле

Елның иң озын чиреге 27 мартта тәмамланачак.

Башкортстан Мәгариф министрлыгы башлыгы Илдар Мәүлетбирдин язгы каникул даталарын атады.

- Уку елының иң озын чиреге тиздән тәмамланачак. 28 марттан укучыларны язгы каникуллар көтә, ул 5 апрельгә кадәр дәвам итәчәк,  –  дип сөйләде министр.

Министр билгеләп үткәнчә, калган уку атнасында сыйныф җитәкчеләренә балалар белән сулыклар янындагы, кар эрегән вакыттагы куркынычсызлык, шулай ук юл куркынычсызлыгы турында сөйләшергә киңәш ителә.

–  Ата- аналарга элеккечә үк балаларын каникул вакытында эш белән тәэмин итәргә, шулай ук башлангыч сыйныф укучыларын өйдә ялгыз калдырмаска киңәш итәбез, - дип мөрәҗәгать итте ул ата-аналарга. - Тугыз көнлек каникул балалар һәм ата-аналар өчен чын язгы ял булсын, яңа көчләр белән укырга керешсеннәр.

Илдар Мәүлетбирдин шулай ук 2025-2026 уку елының 26 майда тәмамланачагын искәртте.

Башинформ.