Русиядә иң яхшы татар теле укытучысы - Илештән!

Шушы көннәрдә Казанда "Иң яхшы татар теле һәм әдәбияты укытучысы" Бөтенрусия бәйгесенә йомгак ясалды.

Бәйгедә Татарстаннан читтә татар телен укытучы белгечләр арасында Илеш районының Иске Күктау мәктәбе укытучысы Венера Галиуллина беренче урынга лаек булды.

Икенче урында - Мордовиянең Ләмберә районыннан Айлина Әбүзәрова, өченче урында - Самара шәһәренең "Яктылык" мәктәбе укытучысы Галия Тупасова.

Якташыбызны зур җиңү белән ихлас котлыйбыз!

Фото бәйге архивыннан.