+8 °С
Дождь
Мәғариф
23 Апреля , 05:00
Мәрхәмәтлелек Ятим балалар әти-әнисен эзли!
"Гаилә" район-ара үзәге ятим балаларны һәм ата-ана тәрбиясеннән мәхрүм калган балаларны тәрбиягә алырга теләүчеләр өчен курслар оештырды. Монда тәрбиягә алу нигезләрен өйрәнәләр, кирәкле күнекмәләрне куллану белемен үстерәләр, баланың үсеше өчен нинди шартлар тудырырга кирәклеген аңлыйлар, баланың хокукларын һәм сәламәтлеген яклау кануннарына төшенәләр. Баланы тәрбиягә алырга әзерләнгән изге кешеләр биредә профессиональ тәрбия күнекмәләрен үзләштерү өчен уникаль мөмкинлек ала.
Мәрхәмәтлелек Ятим балалар әти-әнисен эзли!
– Ятим баланы тәрбиягә алу булачак ата-ана өчен олы савап та һәм зур җаваплылык та! Ләкин без сезгә һәр адымыгызда да ярдәм итәргә әзер! – дип бәян итә "Гаилә"челәр. – Безнең курслар сезгә булачак балагыз өчен иң яхшы ата-ана булырга белем һәм ышаныч бирәчәк! Тәрбиягә алучы ата-ана мәктәбендә белем алу – бәхетле гаилә булырга ышанычлы юл! Әгәр дә сез ятим балаларны "үз канатыгыз" иркәсенә алырга ниятлисез икән, алдан белем үзләштерергә сезне көтеп калабыз! Сорауларыгыз булса, безгә шалтыратырга мөмкин: (834786) 4-30-90, 5-99-25.
Светлана Шириня.
Новости партнеров
