Сау бул, мәктәп, хуш!

Бәләбәй Үзәк мәдәният сараенда «Сау бул, мәктәп»муниципаль чыгарылыш сыйныф укучылары бәйрәме узды. Бу кичтә районның 313 унберенче сыйныф укучысы мәктәп китабының соңгы битен ачып, тормышларының яңа, инде олы тарихын язарга әзерләнделәр.

Бәйрәм «Белем корольлеге» әкиятенең премьерасы кебек корылган иде: заставкалар, бүлекләр белән, чынбарлык тылсым белән үрелеп барган үзенчәлекле халәт белән. Барысы да лирик заставкадан башланды: экранда – ЯИ элементлары белән баетылган кадрлар, ә кадр артыннан зәңгәр планета, Русия, Башкортстан һәм урамнары күп буыннар хәтерен саклаган борынгы Бәләбәй шәһәре турында сөйләүче тавыш яңгырады. Бу тарих үзәгендә  – чыгарылыш сыйныф укучылары: мәктәп тормышы үзенең матур финалына якынлашкан«затлы принцлар» һәм «гүзәл принцессалар»,.

Русия Федерациясе Президенты Владимир Путин һәм мәгариф министры Сергей Кравцовның видеомөрәҗәгате кичәнең мөһим өлеше булды: аларның сүзләре, төрле шәһәр һәм районнарның чыгарылыш укучыларын  берләштереп, бөтен илгә фатыйха кебек яңгырады. Аннары егетләр һәм кызларга  Бәләбәй районы хакимияте башлыгы Азат Сәхабиев мөрәҗәгать итте. Аның чыгышы укучыларның һәм педагогларның хезмәтенә хөрмәт, яшь якташларының киләчәгенә ышаныч белән гайбарәт иде. .

Укуда уңышлары өчен иң яхшы чыгарылыш укучыларын I һәм II дәрәҗә истәлекле бүләкләр белән бүләкләү бәйрәмнең иң күңелле  мизгеле булды. Сәхнәгә 1 нче гимназия, башкорт гимназия-интернаты, татар гимназиясе, Бәләбәйнең һәм Приютның 1, 2, 5, 7, 8, 15, 16, 17 нче мәктәпләр укучылары күтәрелде. Исемлекләрдә –  һәрберсе район тарихының бер өлешенә әверелгән дистәләрчә исемнәр.  Чыгарылыш укучылары өчен бу мәл награда алу гына түгел, ә аларның тырышлыкларын тану, мәктәпнең аларны күреп  бәяләве символы булды.

Регина Иванова. Район хакимияте фотолары.