+21 °С
Облачно
Мәғариф
24 Июля , 14:00
Яңа уку елына мәктәп әзер
Приют бистәсендәге 5 нче мәктәп территориясе күз алдында үзгәрә. Анда яңа уку елына әзерлек тулы куәтенә бара. Цоколь һәм киртәләр яңартыла, ә фасадның стеналары яктыра.
Яңа уку елына мәктәп әзер
Мәктәп яны клумбаларында да җанлылык. Приютлылар эшли: чүп үләннәрен утыйлар, җирне йомшарталар, чәчәкләргә су сибәләр.
Бина эчендә дә эш кайный. Укучылар укытучылар белән бергә коридорларда панельләрне юалар, кабинетларны тәртипкә китерәләр, бүлмә үсемлекләрен карыйлар.
Күмәк эштә балалар, укытучылар, мәктәп хезмәткәрләре һәм ата-аналар катнашуы аеруча кыйммәтле.
Яңартылган, чиста һәм уңайлы 5 нче мәктәп 1 сентябрьдә яңа уку елына үз ишекләрен ачарга әзер булачак.
Алсу Фәизова әзерләде.
Фотолар Приютның 5 нче мәктәбеннән.
Яңа уку елына мәктәп әзер
