Яңа уку елын яхшы әзерлек белән каршылыйлар

 Бу җаваплы эш укытучыларның, техперсонал, ата-аналар һәм гимназистларның көчләрен берләштергән.

Һава шартлары аркасында быел үлән аеруча куе үсте. Физкультура укытучысы, ата-аналар һәм өлкән сыйныф укучылары бергәләп аны чабарга чыкканнар. Хәзер газоннар тулысынча тәртипкә китерелгән.

Гимназия биналарына косметик ремонт ясалган: уку кабинетларының һәм коридорларның стеналары яңартылган, баскычлар буялаган һәм идәннәр яхшылап тазартылган.

Гимназия уңайлы, матур булуы белән укучыларны да, хезмәткәрләрне дә сөендереп кенә торачак.

Алсу Фәизова әзерләде.