Радий Хәбиров педагог һөнәренең абруен күтәрү турындагы указга кул куйды

Республиканың идарә үзәгендә узган оператив киңәшмәдә Радий Хәбиров Указның төп нигезләмәләрен тәкъдим итте. Анда педагогларның эшен җиңеләйтергә һәм һөнәргә яңа белгечләр җәлеп итәргә тиешле чаралар кертелгән. Беренчедән, укытучылар дәүләт электрон белем бирү ресурсларыннан бушлай файдалана алдылар. Икенчедән, педагоглар дәүләт музейларына аена кимендә бер  бушлай йөри алачак. Өченче чара – яшь укытучылар өчен остазлык системасын үстерү. Тәҗрибәле педагоглар хезмәттәшләренә һөнәргә җайлашырга, белем һәм күнекмәләр белән уртаклашырга ярдәм итәчәк.

Указ шулай ук педагогларның карьерасы дәвамында өзлексез һөнәри үсешен күздә тота. Мәгариф министрлыгы, укытучылар үз белемнәрен һәм осталыкларын даими камилләштерә алсын өчен, бу процесска юнәлеш бирәчәк.

Ниһаять, республикада педагогик эшчәнлектәге зур казанышлар өчен Дәүләт бүләге булдырылачак. Бу танылу үз гомерләрен балаларга белем һәм тәрбия бирүгә багышлаган укытучылар өчен өстәмә стимул булачак

Радий Хәбиров кабул ителгән карарның мөһимлеген ассызыклады: "Указга кул куйдым, аны алга таба гамәлгә ашыруыгызны сорыйм. Балалар безгә зур уңышлар белән җавап бирә – без олимпиада эшчәнлеге буенча иң яхшы төбәкләр бишлегенә кердек. Бу казаныш, уңыш".

Регина Иванова әзерләде