Мәгарифтә цифрлы революция

"Мәскәү электрон мәктәбе" – укытучыларны, укучыларны һәм ата-аналарны берләштерүче цифрлы платформа. Проект 2016 елда Мәскәүнең Дәүләт мәктәпләре өчен старт алды. Бүген МЭМ сервисларыннан Русиянең алты төбәгендә файдаланалар: Калуга, Мәскәү һәм Төмән өлкәләрендә, Татарстан һәм Дагыстан Республикаларында, шулай ук Ямал-Ненец автономияле округында. Быелның сентябреннән платформага тагын биш төбәк кушылачак, шул исәптән Башкортостан һәм Карелия, шулай ук Вологда, Мурманск һәм Тверь өлкәләре.

МЭМ – уку процессы белән идарә итү коралы гына түгел, ә аның сыйфатын күтәрү өчен куәтле ресурс та. Платформа бушлай һәм сайт аша карарга мөмкин https://vk.cc/73LkW3 яки "Дневник МЭШ" мобиль кушымтасы https://school.mos.ru/. керү өчен дәүләт хезмәтләре порталында расланган хисап язмасы кирәк.

Башкортстан башлыгы Радий Хәбиров белдергәнчә, республика мәктәпләренең күбесе яңа платформага 2026 елның 1 сентябреннән, калганнары ел ахырына кадәр күчәчәк.

"Укытучыларга – бюрократик йөкләнешнең кимүе, квалификацияне күтәрү, иң яхшы педагогик практикаларны үзләштерү мөмкинлеге.

Ата-аналарга – баланың өлгерешен күзәтеп тору, өстәмә дәресләргә язып кую, барлык документларны электрон рәвештә рәсмиләштерү мөмкинлеге. Балаларга-кызыклы дәресләр һәм белем бирү программалары, федераль стандартларга тулысынча туры килә торган зур белем китапханәсенә керү мөмкинлеге», – дип хәбәр итте Радий Хәбиров.

Шунысын да билгеләп үтәргә кирәк, МЭШка Бәләбәй районы мәктәпләре дә кушылачак.

Регина Иванова әзерләде