Яңа уку елына әзерләнәбез: 2026 елның 1 сентябреннән мәктәпләрне нәрсә көтә?

• Укытучының аерым статусы рәсми рәвештә дәүләт дәрәҗәсендә танылды, педагогларга ярдәм итүнең масштаблы чаралары кертелде: электрон белем бирү ресурсларыннан түләүсез файдалану, дәүләт музейларына айга кимендә бер тапкыр түләүсез керү хокукы, яңа гына эшли башлаган белгечләргә остазлык системасы, һөнәри мәсьәләләр буенча түләүсез юридик ярдәм күрсәтү хокукы һ. б. гарантияләнде.

• "Русиянең рухи-әхлакый мәдәнияте" дигән яңа предметны этаплап кертү. Бишенче сыйныф укучылары аны 2026 елның сентябреннән, ә 6-7 сыйныф укучылары киләсе елның сентябреннән өйрәнә башлаячак. Укучылар күренекле ватандашларыбызның биографияләре белән танышачак.
• Тарих дәресләре өчен сәгатьләр санын арттыру. Предметны өйрәнү өчен атнага өч сәгатькә кадәр бирелә. 5-7 сыйныфларда «Безнең төбәк тарихы»модуленә сәгать өстәлде.
• Җәмгыять белеменең өлкән сыйныфларга күчүе. Предмет бары тик 9-11 сыйныфларда гына өйрәнеләчәк: 9 һәм 11 сыйныфларда атнага 1 сәгать, 10 нчы сыйныфларда атнага 2 сәгать.
• 5-7 сыйныфларда чит телләрне өйрәнү сәгатьләрен атнага өчтән икегә кадәр этаплап кыскарту.
• Информатиканы профиль дәрәҗәсендә үзләштерүче укучылар өчен «Ясалма интеллект» өстәмә тематик блогын кертү. Программа нейрочелтәрләр төзелеше белән таныштырачак һәм генерируемый контентны тәнкыйди бәяләргә өйрәтәчәк.

• 1 нче сыйныфта мәҗбүри өй эшләрен гамәлдән чыгару. Укытучының өйдә күнегүләр ясарга дигән теләсә нинди тәкъдиме бары тик рекомендация характерында гына.
• Дәресләрдә телефоннар куллануны тулысынча тыю. Телефоннан тормыш яки сәламәтлеккә куркыныч янаганда гына файдаланырга мөмкин булачак. Тәнәфесләрдә аннан шулай ук файдаланырга ярамаячак, әгәр бу мәктәпнең эчке кагыйдәләре белән рөхсәт ителмәсә.

• Мәктәпләрнең Мәскәү электрон мәктәбенә (МЭМ) күчүе. Платформа электрон документлар әйләнешен, уку материалларына керү мөмкинлеген, укытучылар, укучылар һәм ата-аналар арасындагы үзара бәйләнешне күзәтүне тәэмин итәчәк.
• Озайтылган көн төркемнәрен үстерү. Төп максаты: гаиләләргә (бигрәк тә күп балалыларга һәм СВОда катнашучыларның гаиләләренә) ярдәм итү, балаларны карауны тәэмин итү, дәрес тыш һәм дәрестән тыш эшчәнлекнең дәвамчанлыгы һ. б.

Регина Иванова әзерләде