Бәләбәй гимназистлары "Шәйморатов уеннары"нда беренче урын яулады

Сентябрь азагында Туймазыда Русия Герое М.М. Шайморатов кубогына"Җәйге Шәйморатов уеннары"ның зона этабы узды. 5нче мәктәп базасында республиканың ун муниципаль берәмлегеннән 26 команда җыелды. БГИның 9Б сыйныфы укучылары командасы барлык биремнәрне дә бик әйбәт башкарды һәм тугызынчы сыйныф укучылары арасында финалга юллама тәэмин итеп, беренче урынны алды.

Бер атнадан егетләр Нефтекамага ярышларның йомгаклау этабына бардылар. Иң көчлеләр исеменә бөтен республикадан 34 команда – зона сайлап алуларында җиңүчеләр һәм призерлар көрәште.

Финал программасы бай булды һәм һәрьяклап җитди әзерлек таләп итте. Гимназистларга төрле дисциплиналарда осталык күрсәтергә туры килде: КА-74не сүтеп җыю, көч күнегүләре – тартылу һәм озынлыкка сикерү, традицион башкорт җәясеннән ату. Интеллектуаль өлешкә Башкортстан тарихы һәм мәдәнияте буенча викторина һәм спилс-карта белән эш кергән. Программаны бердәмлеккә классик сынау – строй һәм җыр смотры төгәлләде.

Шәйморатов сыйныфы җитәкчесе Зүлия Исламова сүзләренчә, ярышларның һәр этабында бәләбәйлеләр ныклы характер, дисциплина һәм җиңүгә омтылыш күрсәткән.

Регина Иванова әзерләде. Фотолар З. Исламовадан.