Яшүсмерләргә авыр эш бирмәячәкләр

Бәләбәй районында бу аеруча мөһим: еш кына яшүсмерләр каникулларда – сәүдәдә, складларда, хезмәт күрсәтү өлкәсендә эш эзлиләр. Хәзер кагыйдәләр катгыйрак һәм бер мәгънәлерәк булачак.

Дәүләт хезмәт инспекциясе җитәкчесе урынбасары Оксана Вансков аңлатканча, чикләүләрне берьюлы ике сәбәп буенча кертәләр: яшүсмерләрнең сәламәтлеген саклау һәм аларның әхлакый үсешен яклау өчен.

"Сүз балаларны акча эшләү мөмкинлегеннән мәхрүм итү турында түгел, ә аларны чыннан да куркыныч һәм зарарлы хезмәт шартларыннан саклау турында бара, – дип билгеләде Оксана Вансков. - Тыюга физик яктан авыр эшләр, куркыныч производстволар, шулай ук шәхес формалашуга тискәре йогынты ясарга мөмкин булган эшчәнлек эләгә"

Балигъ булмаганнарга төнге клубларда эшләргә, алкоголь һәм тәмәке әйберләре җитештерүдә һәм сатуда катнашырга ярамый.

Документның төп яңалыгы - формулировкаларга якын килүдә. Хәзер тыю конкрет һөнәрләргә бәйләнгән, һәм практикада эш бирүчеләр кайвакыт чикләүләрне урап узалар, вазифа исемен генә үзгәртәләр: мәсәлән, «грузчик» урынына «йөк бүлеге белгече»дип язалар. Яңа исемлек бу кимчелекләрне ябарлык итеп төзелгән: тыю вазыйфа исемнәренә генә түгел, ә эш төрләренә дә кагыла.

Исемлектә барлыгы категорияләр буенча төркемләнгән 69 төр эш бар. Бу яшүсмерне асылда «нейтраль» атама астында авыр хезмәткә җәлеп итә торган вәзгыятьне юкка чыгарырга мөмкинлек бирәчәк.

Регина Иванова әзерләде