Әдәби кунакханәдә очрашу

Укучылар, алдан уйлап, шагыйрәнең тормышы,  гаилә хәле, иҗатына тарихи вакыйгаларның һәм шәхси драмаларның ничек йогынты ясавы турында бик күп кызыклы фактлар әзерләделәр. Әдәби кунакханә бүлмәсе хуҗасы –  рус теле һәм әдәбияты укытучысы Ф. Х. Калугина. Бу юлы анда Өсән-Ивановка урта мәктәбенең башкорт теле һәм музыка укытучысы, үзешчән композитор З.Х. Әубакирова  кунакта булды. Ул М.Цветаева шигырьләренә музыка яза.

Очрашуда 5-9 класс укучылары шагыйрь тормышындагы мөһим вакыйгалар турында сөйләделәр, М.Цветаева язган шигырьләрне оста итеп укыдылар, Зөлфирә Хәбиб кызының җырлавына,  гаҗәеп тавышына сокландылар. Очрашу ихлас булды, югары шигърияткә карата ярату  белән сугарылды.

Укучылар укыган һәр шигырь йөрәк аша үтте. Цветаеваның шигъри  юллары аларның тавышы белән җанланып, барысын да шагыйрәнең дәртле һәм гадәти булмаган тормышы дөньясына алып китте. "Әдәби кунакханәдә" очрашу чын шигъри сүз бәйрәме булды, Марина Цветаеваның шигърият тылсымы беркемне дә битараф калдырмады

Лариса Пожарнова,

тәрбия эше буенча директор урынбасары