Ял концерты күңелле булды

Үзәк Мәдәният сараена җыелган тамашачылар бай программаны җылы кабул иттеләр. Нәфис сүз,  ялгыз һәм күмәк җырлар, конкурслар һәм уеннар, призлар олысы-кечесенең кәефен күтәрде.

 – Мондый концертны без ел саен оештырабыз. Иң шәп биючегә конкурс үткәреп, иң оста биючене ачыклыйбыз һәм аңа мендәр бүләк итәбез. Яңа елда бу мендәрнең пары табыла күрсен дигән теләк белән, – ди Рәзидә Ибатуллина, ансамбль җитәкчесе.

Мәдәният сарае директоры, җырчы һәм гармунчы Хәмит Дәүләтхуҗинның, шулай сценарийның авторы һәм  концертны алып баручы Рәзидә Ибәтуллина белән Зинил Бикмөхәмәтовның парлап җырлауларын аеруча яраттылар.

 – Кеше дә күп килгән иде. Концерт ошады. Үз җыр-моңнарыбызны тыңлавы күңелгә рәхәт. Рәхмәт  акчарлылакларга, – ди  Башкортстан татарлары конгрессының урындагы җитәкчесе Рәсүл Гәрәев.

Зәйфә Салихова.