Бәләбәй хатын-кызлары өчен “Язгы мәхәббәт симфониясе”

Тантаналы чара Бәләбәй районы хакимияте башлыгы Азат Альверт улы Сәхабиевның сәламләү сүзе белән башланып китте. Чыгышында ул һәр кеше тормышында хатын-кызларның мөһимлеген ассызыклады. СВОда катнашучыларның әниләрен, хатыннарын һәм тол хатыннарын зур хөрмәт белән, бик җылы  котлады. Күпьеллык намуслы хезмәтләре һәм югары һөнәрилекләре өчен Бәләбәй хатын-кызларына Рәхмәт хатлары һәм Мактау грамоталары тапшырды.

Мөхтәрәм кунаклар һәм җәмәгать эшлеклеләре Бәләбәй районы хатын-кызларын җылы котладылар, аларның җәмгыятьтә, гаиләдә һәм һөнәри эшчәнлектә бәяләп бетергесез ролен аерым билгеләп үттеләр.

Үзәк мәдәният йорты иҗат коллективы матур һәм хисси номерлардан музыкаль чәчәк бәйләме тәкъдим итте. Хореографик композицияләр, әдәби-музыкаль номерлар,  популяр һәм халык җырлары тамашачыларга бәйрәм рухы, бердәмлек һәм шатлык хисе бүләк итте.

Программага “Яшь тавышлар -2026” муниципаль конкурсында катнашучылар аерым матурлык өстәде. Бу кичәдә күркәм йола буенча музыка ярышларында җиңүчеләрне бүләкләү тантанасы узды.

Светлана Прокофьева.

 Елена Петрова фотолары