18 коллектив "халык" һәм"өлгеле" исемен яклады

"Безнең бердәмлек" дип аталган концерт программаларында 18 үзешчән сәнгать коллективы катнашты. Алар исәбендә – Бәләбәй шәһәре мәдәният йорты, Приют бистәсе мәдәният йорты, "Урал-Батыр" милли-мәдәни сарае, Өсән-Ивановка мәдәният йорты, 1 һәм 2нче мәктәпләрнең иҗат төркемнәре, шулай ук тарих-туган якны өйрәнү музее каршындагы  сәнгать галереясенең "Чишмә" һәвәскәр рәссамнар халык клубы.

Үзешчәннәр 55 тән артык номер башкардылар, аларда 519 башкаручы катнашты. "Чишмә" клубы әгъзалары үз эшләрен күргәзмәдә күрсәттеләр.

– Барлык катнашучыларга да компетентлы комиссия югары бәя бирде, аның составында Уфа шәһәреннән Республика халык иҗаты үзәге белгечләре бар иде, – дип хәбәр итте Бәләбәй районы социаль үсеш идарәсенең мәдәният бүлеге җитәкчесе Регина Хәбибуллина.

Светлана Прокофьева

Фотолар ачык чыганаклардан