Малахов телешоуында AY YOLA башкорт төркеме гаилә серен ачты

Алып баручы төркем солисткасының исеме ни өчен нәкъ менә Адель дип сорау бирде.

- Эш шунда ки, аның әнисе Людмила, минем исемем Руслан. Ә туй Пушкинның 200 еллыгы елында булды. Һәм без, Руслан белән Людмила булгач, кызыбызга Адель дип исем кушарга булдык, Пушкинның шундый шигыре бар, — дип гаилә серен ачты төркем музыканты Руслан Шәйхетдинов.

Адель, Ринат һәм Руслан төп хитларын – Homay җырын башкардылар. Студиядә җыелганнар рәхәтләнеп җырларга һәм биергә тотындылар.

 – Бездә хәзер бөтен дөнья чартларында шаулаган башкорт төркеме кунакта, - дип  аңлатма бирде Андрей Малахов һәм Homay җырын дөньяның төрле илләрендә төрле телләрдә ничек эләктереп алуларын күрсәтте.

 Музыкантлар шулай ук тамашачыларны «Урал-батыр» башкорт халык эпосы белән таныштырдылар, аның нигезендә төркем җырлар иҗат итә. Шулай ук төркем Адель клипта төшкән шапканы күрсәтте. Тапшыруны булдыручылар охшаш башлыклы кешеләр белән ролик җыйганнар.

Курайчы һәм төркем солисты Ринат Рамазанов студиядә башкорт халык уен коралы — курайның ничек ясалуын күрсәтте.

Сюжет азагында Адель төркем катнашында Уфа турында җыр җырлады, Ринат аңа курайда кушылды, Башкортстан башкаласына багышланган Хөсәен Әхмәтовның Рәгидә Янбулатова шигыренә язылган «Гүзәл Өфөм — баш ҡалам» җырын уйнады.

ФОТО: ВАЛЕРИЙ ШАХОВ / АРХИВ  "БАШИНФОРМ"