"Җырчы чишмәләр" паркында мавыктыргыч киноквиз узды

Уен кагыйдәләре гади, ләкин мавыктыргыч иде: узып баручыларга популяр фильмнарны һәм мультфильмнарны бер кадрдан гына танырга кирәк булды. Бурыч җиңелләрдән түгел кебек, ләкин чын киноманнар өчен мөмкин булмаган бернәрсә дә юк!

Аллеялар буйлап йөрүче бәләбәйлеләр экранга карарга туктадылар һәм бер минуттан интеллектуаль сугыш үзәгенә эләктеләр. Һавада аеруча киеренкелек хөкем сөрде: катнашучылар картинаның исемен исләренә төшерергә тырышканда, я тынлык урнаша, я парк бердәм көлү тавышларына, шатлыклы кычкеыруларга күмелә: "Бу бит " Ну, погоди"!", "Әлбәттә, Бу  - дигән шатлыклы кычкырулар белән яңгырап тора“!"Әлбәттә, бу "Иван Васильевич меняет профессию“!».

Буыннар бәйләнеше  чарага аеруча кыйммәтле итте.  Киноквиз төрле чорлар очрашкан киңлеккә әверелде. Өлкән буын үз балачагыннан кадрларны сагынып таныды, ә яшьләр кызыксынып үзләре өчен совет классикасын ачты.

Командаларның  фикер алышулары иң дулкынландыргыч мәл булды: олылар һәм балалар, берләшеп, дөрес җаваплар эзләделәр, бәхәсләштеләр, эчтәлекләрне  искә төшерделәр һәм һәр җиңү өчен чын күңелдән шатландылар.

Регина Иванова әзерләде. "Мирас" учреждениесе фотолары