Уфаның AY YOLA төркеменең яңа җыры BandLink топ-5енә эләккән

AY YOLA башкорт төркеменең яңа җыры BandLink чартының топ-5енә эләкте. Музыкантлар хәбәр иткәнчә, рейтингка берьюлы ике җыр кергән: «Адель» көндезге чартта бишенче урынны алган, «Әманәт» ай эчендә чартта 47 нче урынны алган.

" Адель" — AY YOLA ның рус телендә беренче җыры. Композиция Беренче каналның «Шагыйрь тавышы»проекты өчен Александр Пушкин шигыренә язылган. Артистлар билгеләп үткәнчә, рус классигының иҗатын сайлау очраклы булмаган — аның белән төркемнең ике катнашучысының шәхси тарихы бәйле.

"Адельнең әти-әнисе Руслан белән Людмила, Пушкинның атаклы поэмасы геройлары кебек.  Аларның туйлары рус классигының тууына 200 ел тулу уңаеннан узган. Һәм AY YOLAның булачак вокалисткасының  исеме Пушкинның „Адель“ шигыре хөрмәтенә аталган. Чирек гасырдан соң бу шигырьләр безнең җырның нигезе булды", - дип сөйләделәр AY YOLА солистлары.

Артистлар җырны Арктикага экспедиция вакытында яздыралар. Анда традицион башкорт уен кораллары, шул исәптән курай һәм кубыз яңгырый. Җырның яңгырашында төркем солисты Ринат Рамазанов аерым роль уйный: курай партиясе композициягә үзенчәлекле милли тембр өсти һәм Пушкин текстын AY YOLА музыкаль теле белән тоташтыра.

Элегрәк Уфадан AY YOLA  триосын «Грэмми»премиясенә номинацияләгәннәр иде.

Башинформ