Күпме ялкын һәм яктылык калдырды ул!

Үзәк китапханәдә Мостай Кәрим иҗатын яратучылар очрашты Мостай Кәрим... Аның турында үзе язган шигырь юллары белән әйтергә мөмкин: “Бер кеше – ә күпме ялкын һәм яктылык калдырды ул!” – Үзәк китапханәнең әдәби кунакханәсендә медицина колледжы укучылары булды, – дип сөйли Рәсимә Сәлимова, милли әдәбият һәм туган якны өйрәнү бүлегенең әйдәүче китапханәчесе. – Без “Шагыйрь һәм заман: тормыш мизгелләре” күргәзмәсе янында тукталдык. Бу күренекле кешегә якынаерга тагын бер адым ясау өчен һәркем Мостай Кәримнең китабын, шигырьләр җыентыгын кулына ала алды.