23 февраль – Башкортстанның халык шагыйре Әнгам Атнабаевның тууына 90 ел

Әнгам Атнабаев... Бу исемне, бу шагыйрьне кем генә белми икән! Ул гаҗәеп осталык белән шигырьләрендә тормышны гади генә, аңлаешлы итеп чагылдырды, яшәүнең кабатланмас матурлыгын, чагу бизәкләрен күңелләрне кытыкларлык итеп бирде. “Әнгам Атнабевның шигырьләре кичә дә яшәде, бүген дә яши һәм ышанычлы адымнар белән таулар, киртәләр аша иртәгәге көнебезгә атлый”, – дип язды халкыбызның яраткан шагыйренең иҗаты турында Марат Кәримов.