Сабый тудымы – сирена ал

– Әгәр элек хәбәриткечләр бушлай ике категория гаиләгә: аз тәэмин ителешле күп балалы гаиләләргә,шулай ук балалары булган һәм социаль хәвефле хәлдәге гаиләләргә бирелгән булса, хәзер бала туганда бу хокуктан бөтен гаиләләр дә файдалана ала. Яңа тәртип балалары 2018 елның 1 гыйнварыннан туган гаиләләргә кагыла, – дип хәбәр итә республика хөкүмәтенең матбугат хезмәте.

Янгын хәбәриткечләр белән тәэмин итү бары тик баланың әти-әнисе гаризасы буенча гына башкарыла.

Янгын хәбәриткеч алу өчен БРның Гадәттән тыш хәлләр буенча дәүләт комитетына әлеге комитетның рәсми сайты яки электрон почта адресы буенча [email protected] тиешле заявка җибәрү юлы белән (заявка бирүченең бәйләнеш мәгълүматларын күрсәтеп) мөрәҗәгать итәргә. Арытаба янгын хәбәриткеч алу өчен үз кулың белән язылган гариза, шулай ук бала туу турында таныклыкның күчермәсе һәм ата-ананың берсенең паспортын китерү таләп ителә.

Әнисә Гаделшина әзерләде.