Рейдлар уза

24нән 31 октябрьгә кадәр Башкортстан Республикасы территориясендә “Үзйөрешле машина” операциясе уза.

Дәүләт техкүзәтү инспекциясе инженер-инспекторлары бу чорда үзйөрешле машиналарның һәм аларга тагылмаларның техник торышын тикшерәчәк. Файдалы казылмалар табу урыннарында үзйөрешле машиналардан файдалану җәһәтеннән ачыкланган кагыйдә бозулар турында мәгълүмат БР Табигатьтән файдалану һәм экология министрлыгының төбәк бүлекчәләренә хәбәр ителә.

Профилактик чара барышында муниципаль районнарга һәм шәһәр округларына БР үзйөрешле машиналарның һәм башка төр техниканың техник торышын күзәтү буенча дәүләт инспекциясе белгечләре чыга.

Римма Солтанова.