Башкортстанның элекке башлыгы Рөстәм Хәмитов “Башнефь”кә эшкә күчә

30 октябрьдә Кремльдә Русия Президенты Владимир Путин төбәкләрнең элекке җитәкчеләре белән очрашты. Чакырылганнар арасында Башкорстстанның экс-башлыгы Рөстәм Хәмитов та булды.

Владимир Путин элекке губернаторларга намуслы хезмәтләре өчен рәхмәт белдерде һәм арытаба ниятләре турында фикер алышты. “Известия” белдерүенчә, Рөстәм Хәмитовка “Башнефть” нефть компанияләре берләшмәсенең директорлар советы рәисе постын биләргә тәкъдим ителгән.

Исегезгә төшерәбез, Рөстәм Хәмитов отставкасы турында 2018 елның 11 октябрендә игълан итте.

“Башинфоорм” материаллары буенча.