Башкортстанда калдыкларны эшкәртү өчен экотехнопарк ачалар

Парк биләмәсендә сәнәгать калдыклары эшкәртеләчәк, шулай ук аның хезмәткәрләре чүп-чарны утильләштерүнең яңа алымнарын эзләү һәм эшләү белән мәшгуль булачак.

Экотехнопарк булдыру турында килешүгә Уфа дәүләт нефть техуниверситеты филиалы һәм төбәкнең “чуп операторы” кул куйганнар. Мәйданчыкта, көнкүреш чүп-чарыннан башка, нефть шламнарын, сәнәгать предприятиеләре калдыкларын, фосфгипсны эшкәртергә ниятлиләр. Паркның үзендә экологик хәвнфсезлек һәм калдыклар белән эш итү буенча уку йортының кафедрасы ачылачак.

Бүген республикада әлегә пыяла һәм катыргы гына эшкәртелә, ә пластик савытлар башка төбәкләргә озатыла. Калган чүп-чар полигоннарда.