Ничә малай, ничә кыз туган?

Башкортстанда 2018 елның 12 аенда 22 807 кыз һәм 24 264 малай дөньяга килгән. Бу хакта “Башинформ” агентлыгына республиканың Юстиция эшләре буенча дәүләт комитетының матбугат хезмәтендә хәбәр иттеләр.

Ведомствода билгеләүләренчә, республиканың 11 шәһәр һәм районында кызлар малайларга караганда күбрәк туган. “Былтыр ЗАГС бүлекләрендә туу турында 47 411 акт теркәлгән, бу узган елга караганда 2 258гә азрак. 17 334 сабыйның гаиләдә беренче, 18 855е – икенче, 7 917се – өченче, 2 178е – дүртенче һәм 1 033е – бишенче булып тууы теркәлгән. Моннан тыш, республикада шушы чорда 607 игезәк һәм 10 өч игез бала дөньяга аваз салган”, – дип белдерделәр ведомствода.

Башинфом.