8 март – Халыкара хатын-кызлар көне

Безнең сөйкемле кызларыбызны, кадерле хатын-кызлар, әниләр һәм картәниләребезне Халыкара хатын-кызлар көне белән ихлас котлыйм!

Районның җәмәгать һәм эшлекле тормышында Бәләбәй хатын-кызларының өлеше зур һәм әһәмиятле. Икътисадның барлык өлкәләрендә актив катнашып, безнең хатын-кызларыбыз Башкортстанның мәдәни, фәнни, социаль үсешенә лаеклы өлеш кертәләр. Сез, иңнәрегезгә гаилә турында да даими хәстәрлек ятуга карамастан, теләсә нинди эшне зур осталык белән башкарасыз.

Сезгә бетмәс-төкәнмәс дәрт-дәрман, матурлык һәм бәхет телим! Тормышыгыз һәрчак туганнарыгызның, якыннарыгызның изгелеге, җылылыгы, яратуы белән мөлдерәмә тулы булсын.

Азат Сәхәбиев,

БР Бәләбәй муниципаль районы хакимияте башлыгы.