Башкортча диктантны 60 меңнән артык кеше язды

18 май Уфада башкорт телендә Халыкара диктант язу чарасы узды. Анда Башкортстан башлыгы вазифасын башкаручы Радий Хәбиров та катнашты.

Башкорт телендә диктант язу 2015 елдан башлап үткәрелә. Тәүге елны ул чарада 2 меңнән артык кеше катнашса, 2016 елда – алты, 2017 елда – җиде меңнән артык, 2018дә 12 меңнән артык кеше катнашты. Быел ул халыкара статуста узды. Шуңа анда барлыгы 60 меңнән артык кеше катнашты. Чарада Америка, Канада, Төркия, Германия, Англия, Швейцария, Кытай, Бәйсез Дәүләтләр Бердәмлегенә кергән илләр һәм Русиянең төрле төбәкләрендә яшәүчеләр дә башкортча диктант язды.

Бәләбәйдә башкортча диктант язучылар саны 2625.