Җиләк җыеп калыйк!

Уңган-булганнар как, кайнатма ясау белән чикләнми, чиләк-чиләк сатып, акча да эшли. Авыл җирендә җиләк җыю кәсебе һич тә ишле гаиләләрнең “эчен тишми”.

Белмәссең, әллә шуңа Авыл хуҗалыгы министрлыгы урманда үскән җиләк-җимеш, гөмбә һәм чикләвекләрне үз контроленә алмакчы.

Җиләккә йөргән, табигать байлыгыннан файдаланган кешеләр чиновникларга тынгылык бирми башлаган, күрәсең. Каен суы, дару үләннәре дә аларның контроленә алыначак.

Алар бу эшне ничек оештырыр – әлегә билгесез. Урманга кергән өчен дә акча түли башларбыз микән?..

Җәмәгать, җиләк җыеп калыйк!

Зәйфә Салихова әзерләде.