Ветераннарга түләүләрне арттырачаклар

“Документка ярашлы рәвештә, киләсе елның башыннан сәяси репрессияләрдән зыян күргән дип танылган кешеләргә түләүләр 553,28 сумнан 600 сумга кадәр тиклем арта, - дип хәбәр итте Башкортстан Хезмәт министрлыгының матбугат сәркәтибе Роза Кузьменко. – Реабилитацияләнгән кешеләргә айлык түләүләр 659,68 сумнан 700 сумгача; тыл эшчәннәренә – 415,15 сумнан 450 сумга тиклем; хезмәт ветераннарына 376,06 сумнан 400 сумгача арта.

Пенсия танытмасына льготага хокук турында кушымтасы булган хезмәт ветераннарына, шулай ук озайлы эш стажына ия булган хезмәт ветераннарына түләүләр 145,93 сумнан 200 сумга тиклем күтәрелә”.

“Башинформ” мәгълүмат агентлыгы.

Габдулла Вафин әзерләде.